Palestínskur hælisleitandi var sendur á sjúkrahús í gær eftir að hann reyndi að svipta sig lífi á gistiheimili í Reykjanesbæ. Fram kom í fréttum Útvarpsins, að maðurinn hafði þá verið í hungurverkfalli í þrjá daga til að mótmæla þeirri ákvörðun Útlendingastofnunar að senda hann úr landi.

Útvarpið sagði að farið hefði verið með Mousa Sharif Al Jaradat á sjúkrahús í gær eftir að hann skar sig á púls. Gert var að sárum hans og hann  sendur í geðrannsókn en ekki þótti ástæða til að vista hann á geðdeild.

Fram kom að maðurinn ætlar að halda hungurverkfallinu áfram og í dag ætli hann einnig að hætta að drekka.

Mousa kom til Íslands fyrir tæpum þremur mánuðum en fékk þær upplýsingar fyrir skömmu að Útlendingastofnun hefði neitað honum um hæli og að hann yrði sendur aftur til Noregs.

Vefur Ríkisútvarpsins

Tengdar fréttir

Flóttafólk á Íslandi

„Ræða staðreyndir en ekki róta í drullupolli“

• Evrópa á tímamótum
• Móttökuskólar „betri leið til inngildingar“
• Leggur til móttökuskóla fyrir erlend börn
• Oscar sendur úr landi

» Fleiri tengdar fréttir

• 2 blogg um fréttina

Bloggað um fréttina

• Anna Sigríður Guðmundsdóttir: Reyndi að svipta sig lífi!
• Vilborg Eggertsdóttir: Svona fer maður ekki með fólk!