Niðurstaðan tært bull

Harpa Hreinsdóttir, framhaldsskólakennari á Akranesi, gagnrýnir harðlega þau tvö bindi, sem komin eru út í ritverkinu Sögu Akraness. Sakar hún höfund bókanna m.a. um ritstuld og að birta myndir í heimildarleysi.

Harpa segir á bloggvef sínum, að helstu niðurstöður hennar séu þær, að meðferð heimilda sé mjög ábótavant, myndir oft rangt merktar eða notaðar í heimildaleysi, umfjöllun um landnámsmenn séu studdar vægast sagt hæpnum rökum og niðurstaðan sé, að mati Hörpu, tært bull.

Fram hefur komið, að verkið á að vera fjögur bindi en fyrstu tvö bindin, sem Gunnlaugur Haraldsson ritaði, komu út í maí. Vinna við ritun sögunnar hefur staðið yfir í fjölda ára og er kostnaður vegna verkefnisins kominn yfir hundrað milljónir króna.

Enn er óráðið hvenær síðari bindin tvö verða gefin út.

Bloggvefur Hörpu Hreinsdóttur

• 1 blogg um fréttina

Bloggað um fréttina

• Torfi Kristján Stefánsson: Óhefðbundinn ritdómur!