Gleymdust í sjó í klukkutíma

Á sjómannadagshátíðinni á Hvammstanga, sem haldin var í dag, vildi ekki betur til en svo að tveir björgunarsveitarmenn gleymdust í sjónum, þegar verið var að sýna björgun á mönnum í sjó.

Í höfninni voru nokkrir bátar frá björgunarsveit. Þar var nokkur fjöldi björgunarsveitarmanna og fóru menn á milli bátanna.

Þegar komið var í land kom í ljós að tveggja manna var saknað.  Við eftirgrennslan kom í ljós að þeir voru enn í sjónum og biðu þess að sér yrði bjargað, en þeir höfðu þá beðið tæpa klukkustund.

Að sögn lögreglunnar á Blönduósi voru þeir bæði kaldir og þreyttir og var annar þeirra fluttur á sjúkrahús til skoðunar.

Þeir voru báðir klæddir í þurrbúninga.

• 3 blogg um fréttina

Bloggað um fréttina

• Ómar Ragnarsson: Næstum búinn að drekkja aflakóngnum.
• Jón Snæbjörnsson: Gott að endaði vel .....
• Bergljót Gunnarsdóttir: Björgun í hita leiksins?