Hinir efnaminni njóti uppsveiflunnar

Ollanta Humala, nýkjörinn forseti Perú, segir hina efnaminni munu njóta góðs af efnahagsuppganginum á meðan hans nýtur við stjórnvölinn. Humala er vinstrimaður en kveðst þó ekki munu feta í fótspór hins gamla lærimeistara síns, Hugu Chavez, forseta Venesúela.

„Við teljum að leiðin fram á við fyrir Perú sé sjálfstæð leið,“ sagði Humala og bætti því við að ekki yrði „hermt eftir öðrum þjóðum“ við stefnumótunina.

Hinn nýkjörni forseti boðar bætt samskipti við grannþjóðir í Suður-Ameríku, þar með talið Brasilíu, og svo Bandaríkin í norðri.

Markaðir tóku nokkra dýfu við kjör hans í embætti en vísitölur hækkuðu síðan aftur.

Ágætur hagvöxtur hefur verið í landinu á undanförnum árum og er skýringin öðrum þræði góð eftirspurn eftir hráefnisvörum frá landinu.

• 1 blogg um fréttina

Bloggað um fréttina

• Ólafur Ragnarsson: "segir hina efnaminni"