Jafnt vægi atkvæða

Undirnefnd stjórnlagaráðs leggur til, að atkvæði kjósenda alls staðar á landinu vegi jafnt í þingkosningum. Tólfti fundur ráðsins verður í dag.

Nefndin leggur til, að mæla megi fyrir um í lögum að tiltekinn fjöldi þingsæta sé bundinn kjördæmum en þó aldrei fleiri en ⅖ hluta þeirra. Þá leggur nefndin til að þingmenn verði kosnir með persónukjöri á landsvísu, þar sem kjósendum verði heimilt að kjósa bæði þvert á lista og merkja við frambjóðendur í öðrum kjördæmum.

Nefndin leggur einnig til, að þriðjungur alþingismanna geti ákveðið að bera nýsamþykkt lög undir þjóðaratkvæði til samþykktar eða synjunar. Þá beri  Alþingi nýsamþykkt lög undir þjóðaratkvæði ef 15% kosningabærra manna krefjist þess.

Þó sé ekki hægt að krefjast þjóðaratkvæðagreiðslu um fjárlög, fjáraukalög, lög um skattamálefni, ríkisborgararétt eða lög sem sett eru til að fylgja þjóðréttarskuldbindingum.

• 3 blogg um fréttina

Bloggað um fréttina

• Heimir Hilmarsson: ESB og jafnt vægi atkvæða?
• Haraldur Haraldsson: Jafnt vægi atkvæða//// Þetta á að vera löngu komið,ekki spurning!!!!!!
• Benedikt V. Warén: Jafnt vægi atkvæða og tekjum og sköttum varið þar sem …