Engin ríkisábyrgð á Icesave

„Afstaða Íslands er sú að ekki sé ríkisábyrgð á skuldbindingum vegna innstæðutrygginga og ekkert hefur komið fram í rökstuddu áliti Eftirlitsstofnunarinnar sem breytir þeirri afstöðu ríkisstjórnarinnar,“ segir í yfirlýsingu efnahags- og viðskiptaráðherra til Alþingis.

„Þvert á móti má efast um að ríkisábyrgð á skuldbindingum innstæðutryggingasjóða standist almenn sjónarmið Evrópuréttar og slík ríkisábyrgð gæti ógnað fjármálastöðugleika í ýmsum Evrópusambandsríkjum,“ segir enn fremur í yfirlýsingunni.

Efnahags- og viðskiptaráðuneytið sendi í kvöld út yfirlýsingu Árna Páls Árnasonar efnahags- og viðskiptaráðherra til Alþingis um álit Eftirlitsstofnunar EFTA um Icesave málið. 

• 2 blogg um fréttina

Bloggað um fréttina

• Sigurður Haraldsson: Mun aldrei sjá eftir því!
• Jóna Kolbrún Garðarsdóttir: Stjórninni er ekki að þakka