Þung umferð á þjóðvegunum

Umferð um þjóðvegina hefur verið töluvert þung eftir hádegið í dag enda löng fríhelgi framundan. Að sögn lögreglunnar í Borgarnesi hefur verið „þétt umferð“ í dag en heldur dró úr henni á sjöunda tímanum.

Lögreglan á Blönduósi sagði að mikil og þung umferð hafi verið þar í gegn í dag og lá straumurinn í báðar áttir. Sömu sögu sagði lögreglan á Selfossi en þar hafði verið talsverður umferðarþungi.

Umferðin hafði gengið áfallalaust að sögn fyrrgreindra lögregluembætta. Margir eru með vagna í eftirdragi og leggja með því lögreglunni lið við að halda ökuhraðanum niðri, eins og einn lögreglumaður benti á.

• 2 blogg um fréttina

Bloggað um fréttina

• Gísli Foster Hjartarson: ...og er einhver hissa?
• Haraldur Haraldsson: Þung umferð á þjóðvegunum/það ekki undarlegt þó svo eldsneytið sé …