Hrina í Geitlandsjökli

Upp úr klukkan átta í morgun varð jarðskjálftahrina í Geitlandsjökli í sunnanverðum Langjökli og stóð hún yfir í um fimmtán mínútur. Stærstu skjálftarnir voru rúmlega þrjú stig og fundust meðal annars í Húsafelli. Stærsti skjálftinn mældist 3,2 stig.

Einn skjálfti varð síðan upp úr klukkan 9 og var hann mun minni. Allt hefur verið með kyrrum kjörum síðan á svæðinu, samkvæmt upplýsingum frá Veðurstofu Íslands.

Síðdegis í gær var jarðskjálftahrina í Mýrdalsjökli  og mældist stærsti skjálftinn þar rúm 3 stig. Í morgun hefur einn skjálfti þar mælst yfir tvö stig, samkvæmt óyfirförnum tölum á vef Veðurstofunnar.

Frá Veðurstofu Íslands

• 2 blogg um fréttina

Bloggað um fréttina

• Sigurður Haraldsson: Nákvæmlega!
• Haraldur Haraldsson: Hrina í Geitlandsjökli/hvað segir þetta okkur þessir skjálftar siðustu daga???