Þinglýsa eignarhaldi á Dyrhólaey

Sveit­ar­stjórn Mýr­dals­hrepps hyggst fela sveit­ar­stjóra í sam­starfi við lög­mann sveit­ar­fé­lags­ins og aðra land­eig­end­ur að ganga frá þing­lýs­ingu á eign­ar­haldi sveit­ar­fé­lags­ins á Dyr­hóla­ey. Þetta kem­ur fram í fund­ar­gerð sveit­ar­stjórn­ar Mýr­dals­hrepps frá 15. júní. síðastliðnum.

Ákvörðunin var fyrst samþykkt á fundi sveit­ar­stjórn­ar í fe­brú­ar síðastliðnum en var mót­mælt af hálfu lög­manna eig­enda Vest­ur­húsaj­arða. Héldu þeir því fram að til væru gögn sem gengu þvert á lög­fræðilegt álit um að Dyr­hóla­ey til­heyrði Aust­ur­hús­um, þær jarðir sem eiga Dyr­hóla­ey ásamt Mýr­dals­hreppi.

Í fund­ar­gerð kem­ur fram að farið var yfir málið á ný með til­liti til um­ræddra gagna. Var niðurstaða lög­fræðinga sú að gögn­in breyttu engu um hið fyrra álit.

Því samþykkti sveit­ar­stjórn Mýr­dals­hrepps á ný að ganga frá þing­lýs­ingu á eign­ar­haldi sveit­ar­fé­lags­ins á Dyr­hóla­ey.

• 3 blogg um frétt­ina

Bloggað um frétt­ina

• Njörður Helga­son: Opna á Dyr­hóla­ey. Það er besta leiðin!
• Reyn­ir Ragn­ars­son: Um Glópa­sk­arð á Dyr­hóla­ey.
• Þor­steinn H. Gunn­ars­son: Hliðarráðstaf­an­ir við Dyr­hóla­ey