Mjólk hækkar í verði

Verðlagsnefnd búvara hefur ákveðið að hækka heildsöluverð á mjólk og mjólkurvörum um 4,25% þann 1. júlí. Smjör hækkar enn meira eða um 6,7% og mjólkurduft til iðnaðar um 6%.

Frá sama tíma hækkar afurðastöðvaverð til bænda um 3,25 krónur á lítra mjólkur, fer úr 74,38 krónum í 77,63 krónur eða um 4,4%. Þá hækkar vinnslu- og dreifingarkostnaður mjólkur um liðlega 4,1%.

Segir í skýringu frá verðlagsnefnd búvara að ástæður þessara verðbreytinga eru launabreytingar og hækkun á aðföngum við búrekstur.

Í kjarasamningum sem skrifað var undir í síðasta mánuði er kveðið á um 4,25% hækkun launa frá 1. júní sl.

Verð á mjólk og mjólkurafurðum hækkaði um 2,25% að meðaltali þann 1. febrúar sl. Frá sama tíma hækkaði afurðastöðvaverð til bænda um 3,25 krónur lítrann, úr 71,13 krónum í 74,38 krónur eða um 4,56%. Verðlagsnefndin sagði þegar tilkynnt var um þetta að ástæður þessara verðhækkana séu hækkanir á breytilegum kostnaði við búrekstur.  

• 3 blogg um fréttina

Bloggað um fréttina

• Óskar Guðmundsson: more is less.
• Haraldur Haraldsson: Mjólk hækkar í verði/allar afurðir munu hækka: var ekki verið …
• Anna Dóra Gunnarsdóttir: Það var rétt,