Lést í Kverkfjöllum

Maðurinn sem lést síðdegis í gær við íshellinn í Kverkfjöllum hét Jesus Martinez Barja, fæddur árið 1959, og var því 52 ára. Hann var spænskur ríkisborgari sem bjó í Hafnafirði og lætur eftir sig þrjú börn, samkvæmt upplýsingum frá lögreglu.

Rannsóknardeild lögreglunnar á Eskifirði fer með rannsókn málsins. Maðurinn var að skoða hellinn ásamt sex samlöndum sínum, en þá sakaði ekki er íshröngl féll úr hellinum. Var hann fararstjóri hópsins.