Ráðherrar taki afstöðu

Umhverfisnefnd Norðurlandaráðs hefur krafist  þess að matvælaráðherrar Norðurlandaþjóðanna taki afstöðu til makríldeilunnar á fundi sínum í Finnlandi 7.-8. júlí næstkomandi.

Hingað til hafa þjóðirnar ekki getað komist að samkomulagi um skiptingu makrílkvótans fyrir árið 2011 og hafa ráðgert veiðar sem eru 50% umfram þann kvóta sem Alþjóðahafrannsóknarráðið mælir með.

„Sem norrænir þingmenn getum við ekki bara horft aðgerðarlausir á að stjórnvöld leyfi sóun á verðmætum náttúruauðlindum. Þessa vegna viljum við hvetja deiluaðila til að hefja viðræður á ný og ekki síst biðja ráðherrana að tryggja sjálfbærar fiskveiðar á okkar norrænu hafsvæðum,“segir Øyvind Halleraker sem situr í umhverfisnefnd Norðurlandaráðs.

Norðurlandaráð hefur einnig hvatt til þess að sameiginlegar rannsóknir á áhrifum loftslagsbreytinga á fiskveiðar verði efldar þannig að hægt verði að taka ákvarðanir um framtíðarsamninga um kvóta og fiskveiðistefnu.

• 1 blogg um fréttina

Bloggað um fréttina

• Haraldur Haraldsson: Ráðherrar taki afstöðu/við gefum ekkert eftir þarna :okkar rétt!!!!