Stöðvaðir í Norrænu

Tveir Litháar voru stöðvaðir er þeir reyndu að komast úr landi með Norrænu á Seyðisfirði í morgun. Að sögn Óskars Bjartmarz, yfirlögregluþjóns á Seyðisfirði, kom lögregla auga á mennina þegar þeir voru að fara um borð í ferjuna og ákvað að kanna upplýsingar um þá nánar. Í ljós kom að þeir áttu báðir eftir að afplána dóma á Íslandi.

Fangelsismálastofnun óskaði eftir því við lögreglu að mennirnir yrðu handteknir og var það gert. Voru þeir færðir í fangelsið á Akureyri þar sem þeir hefja afplánun. Báðir voru með nokkra mánaða fangelsisdóma á bakinu. 

Að sögn Óskars er ekki algengt að dæmdir einstaklingar reyni að komast úr landi með Norrænu áður  en afplánun hefst en slíkt komi þó alltaf upp af og til.

• 1 blogg um fréttina

Bloggað um fréttina

• Viggó Jörgensson: Af hverju gátu þeir keypt miða, af hverju komust þeir …