Frekar úrkoma en aska

Mistrið sem sést þegar horft er til austur frá höfuðborginni er líklega að mestu úrkoma, að mati veðurfræðings á Veðurstofunni. Austanátti ber örugglega eitthvað ryk eða ösku, en allt eins er líklegt að rykið sé komið af hálendinu.

Mikil úrkoma hefur verið á Suðausturlandi og rigningin þar bundið öskuna úr Grímsvatnagosinu. Einnig hefur verið rigning við suðurströndina sem ætti að binda ösku úr Eyjafjallajökulsgosinu. 

Svifryksmælir á heimasíðu Reykjavíkurborgar sýnir að loftgæðin séu miðlungsgóð eða 95,3 míkrógrömm á rúmmetra (µg/m3). Mun minna svifryk var á Kirkjubæjarklaustri klukkan 14.30 eða 59,4 µg/m3.

Loftgæði í Reykjavík

Svifryk á Kirkjubæjarklaustri

• 1 blogg um fréttina

Bloggað um fréttina

• Haraldur Haraldsson: Frekar úrkoma en aska/þetta mun yfir okkur ganga í Austanátt …