Flugvöllurinn færður samkvæmt drögum

„Á fundi stýrihóps um Vatnsmýrarskipulag voru lögð fram drög sem gera ráð fyrir því að hætt verði við samgöngumiðstöð og í staðinn farið í úrbætur á núverandi flugstöð.“

Þetta sagði Sóley Tómasdóttir, borgarfulltrúi Vinstri grænna, eftir fund sem var haldinn í stýrihópnum í gær.

Í umfjöllun um mál þetta í Morgunblaðinu í dag segir hún að fyrri ákvarðanir um flutning flugvallarins, sem finna má í núverandi aðalskipulagi, séu ekkert breyttar.

Ögmundur Jónasson, innanríkisráðherra, sagði hins vegar í samtali við Morgunblaðið í gær að í burðarliðnum væri samkomulag þar sem gengið er út frá því að flugvöllurinn í Reykjavík verði þar um árabil.