Tók 5-6 daga að opna 1996

Sigurður Ingi Jóhannsson, alþingismaður Framsóknarflokksins, vill að kannað verði kostir þess að gera vað og ferja bíla yfir Múlakvísl. Hann segir óásættanlegt að það taki 2-3 vikur að brúa ána og bendir á að eftir Skeiðarárhlaupið 1996 hafi verið búið að opna veginn eftir 5-6 daga.

Sigurður Ingi segir að náttúruöflin séu enn og aftur að setja verulegt strik í reikninginn hjá ferðaþjónustunni en margir hafi horft til þess að hún myndi blómstra í sumar.

Hann segir að ríkisstjórn og Vegagerð virðist hafa brugðist fljótt við og margt sé komið í gang og sé það þakkarvert, en ekki sé hægt að sætta sig að það taki 2-3 vikur að koma á vegtengingu.

Sigurður Ingi vill að flýta gerð bráðabirgðabrúar á Múlakvísl sem allra allra mest. Í öðru lagi þurfi að kanna samhliða kosti þess að gera vað og ferja bíla yfir. Í þriðja lagi þurfi að setja fjármuni og tæki í að laga og halda Fjallabaki-nyrðra í sem bestu ásigkomulagi. Í fjórða lagi þurfi að tryggja  öryggi íbúa eins sjúkraflutninga og gefa út yfirlýsingu þess efnis.

• 3 blogg um fréttina

Bloggað um fréttina

• Torfi Kristján Stefánsson: Ríkisstjórninni að kenna!
• S i g u r ð u r S i g u r ð a r s o n: Óþolandi vinnubrögð Vegagerðar og ríkisstjórnar
• Jón Ingi Cæsarsson: Hann fer þá líklega í vinnugalla og mætir.