Ferjuflutningar hefjast í fyrramálið
Setja bókamerki
Ákveðið hefur að hefja ferjuflutninga yfir Múlakvísla aftur kl. 9 í fyrramálið. Vegagerðin mun herða eftirlit með þessum flutningum, en hún telur að óhætt sé að halda þeim áfram.
Allir ferjuflutningar yfir Múlakvísl voru stöðvaðir í dag eftir að rúta festist í ánni og hallaðist upp í strauminn. Áin gróf frá rútunni svo að vatnið flæddi upp á þak að hluta til. Farþegar brutu sér leið út um glugga og klifruðu upp á þak rútunnar, en var síðan bjargað heilum og höldum í land.
Í tilkynningu frá Vegagerðinni segir að öflugri trukkur verði fenginn til fólksflutninganna og verður hann til staðar í fyrramálið þegar fólksflutningar hefjast kl. 09:00. Líkt og fyrr verða bílarnir fluttir á þremur vörubifreiðum.
„Fyllsta öryggis verður gætt. Fjarskipti aðila á vettvangi verða samstillt, fylgst verður stöðugt með vatnshæð og stjórn á vettvangi verður styrkt enn frekar. Reglulega verður farið yfir vaðið á jarðýtu til að tryggja öryggi eins og unnt.
Ákvörðun um þetta var tekin af Vegagerðinni nú síðdegis í samvinnu við almannavarnardeild Ríkislögreglustjóra og lögregluna á Hvolsvelli,“ segir í tilkynningunni.
Í fréttatilkynningu frá Almannavörnum segir að stöðugt eftirlit verði með vatnshæðarmælum í Múlakvísl og fjarskipti aðila á vettvangi samhæfð enn frekar. Stefnt er að hafa vaðið opið daglega frá 7 til 23 svo framarlega sem aðstæður leyfa.
Í tilkynningu frá Vegerðinni segir að áætlað sé að hægt verði að opna fyrir umferð yfir bráðabirgðabrúna um miðja næstu viku.
Pútín reynir allt til að forðast aðra herkvaðningu
Sjötti ferðamaðurinn er látinn
Hentugt gos fyrst gýs á annað borð
Dómur þyngdur um þrjú ár
Hótar Bretum og Bandaríkjamönnum
„Höfum sloppið bærilega með skaða af þessu gosi“