Fundu nýjan sigketil

 Myndarlegur sigketill fannst rétt austur af Hamrinum er vísindamenn flugu  yfir Lokahrygg til að leita upptaka hlaupsins sem kom í Köldukvísl í gærmorgun. 

Mikil skjálftavirkni hefur verið undir Lokahrygg síðastliðið ár og í vestanverðum Vatnajökli öllum. Virknin á Lokahrygg er aðallega í fjórum þyrpingum, undir Skaftárkötlunum tveim og í tveim aðskildum þyrpingum vestar. Sigketillinn er staðsettur yfir vestustu jarðskjálftaþyrpingunni, segir á vef Veðurstofunnar.

Myndin sýnir skjálftavirkni á tímabilinu 1992 til 2010 undir Lokahrygg, Grímsvötnum og Esjufjöllum.

• Blogga um frétt