Yfirvinnubannið hefst að nýju

Yfirvinnubann Félags íslenskra atvinnuflugmanna tekur gildi að nýju næstkomandi þriðjudag kl. 14 hafi ekki tekist samningar við Icelandair. Yfirvinnubanninu var frestað eftir að kjarasamningur var gerður í byrjun mánaðar, en samningurinn var felldur með þriggja atkvæðamun.

Yfirvinnubannið olli talsverðri röskun á áætlunum Icelandair. Forystumenn í ferðaþjónustu lýstu mikilli óánægju með yfirvinnubannið enda háannatími í greininni.

Fundur flugmanna og samninganefndar Samtaka atvinnulífsins hófst hjá ríkissáttasemjara í morgun, en fundir sem haldnir hafa verið í vikunni hafa ekki leitt til niðurstöðu.

• 2 blogg um fréttina

Bloggað um fréttina

• Axel Jóhann Hallgrímsson: Framundan er grátur og gnístan tanna
• Sigurður Haraldsson: Allir hafa samþykkt.