Góð áhrif á ferðaþjónustuna

Fjallað er um jákvæð áhrif eldgossins í Eyjafjallajökli á ferðamannaþjónustuna hérlendis í viðskiptahluta vefútgáfu dagblaðsins Khaleej Times í dag en það er gefið út í Sameinuðu arabísku furstadæmunum.

Í fréttinni, sem unnin er upp úr frétt AFP-fréttastofunnar, er talað við nokkra aðila sem starfa í ferðaþjónustunni á Íslandi sem segja gosið í Eyjafjallajökli í fyrra og tapið sem af því hlaust, vera að skila sér tilbaka núna.

„Það hefur orðið til þess að fólk veit af Íslandi á kortinu. Og það hefur komið sér mjög vel fyrir reksturinn. Eyjafjallajökull var alltaf fallegur en nú er hann frægur!,“ er haft eftir Unnari Garðarssyni, sem rekur ferðaþjónustufyrirtækið Óbyggðaferðir.

Greinin í Khaleej Times

• 2 blogg um fréttina

Bloggað um fréttina

• Ómar Ragnarsson: Lá strax ljóst fyrir.
• Axel Jóhann Hallgrímsson: Veit Erna af þessu?