Gefin saman við Seljalandsfoss

„Það var ósköp falleg umgjörð um þetta af Drottni gjörð, fossinn og fjöllin, og alveg yndislegt veður,“ segir Önundur Björnsson, sóknarprestur á Breiðabólsstað, en hann gaf í dag saman ung bandarísk hjón við hátíðlega athöfn við Seljalandsfoss.

Önundur segir aðspurður hvernig þetta hafi komið til að Hótel Rangá hafi haft milligöngu um málið en hótelið hafi boðið erlendum gestum sínum upp á þá þjónustu að útvega presta vilja þeir láta gefa sig saman í fallegri íslenskri náttúru.

Um 25 manna hópur var viðstaddur brúðkaupið að sögn Önundar sem komið hafði með brúðhjónunum tilvonandi til landsins í þeim tilgangi.

• 1 blogg um fréttina

Bloggað um fréttina

• Jóhannes Ragnarsson: Þegar dómkirkjupresturinn gaf saman frú Ingveldi og Kolbein Kolbeinsson