Spyr hvernig staðan sé á Íslandi

„Ég er ekki að bera saman aðstæður á Íslandi og Noregi en það er eðlilegt að spyrja hvernig er þessum málum fyrirkomið hér á landi. Erum við að gera það sem þarf til að koma í veg fyrir hryðjuverkaárás?“ spyr Guðlaugur Þór Þórðarson, þingmaður Sjálfstæðisflokksins, á Facebook-síðu sinni rétt í þessu og leggur um leið áherslu á mikilvægi þess að umræðan um sprenginguna í miðborg Osló í dag og skotárásina á eyju í nágrenninu í kjölfarið verði hófstillt.

Guðlaugur vitnar þessu sambandi í frétt á vef breska dagblaðsins Daily Telegraph þar sem fjallað er um gögn frá bandarískum stjórnvöldum sem birt hafa verið af Wikileaks. Þar kemur meðal annars fram það mat Bandaríkjamanna að norsk yfirvöld hafi verið illa undir það búin að hryðjuverk yrði framið í Noregi og að sú hugsun hafi verið ríkjandi að slíkt gerðist ekki þar.

Facebooksíða Guðlaugs Þórs Þórðarsonar

• 3 blogg um fréttina

Bloggað um fréttina

• Axel Jóhann Hallgrímsson: Svarið gæti legið í þínum eigin garði Guðlaugur.
• Viggó Jörgensson: Vitum ekki einu sinni hverjir eru á landinu - þökk …
• Guðmundur Júlíusson: Guðlaugur spyr hvernig staðan sé á Íslandi