200,9 milljarðar í skatt

Íslendingar greiða 200,9 milljarða króna í tekjuskatt og útsvar af tekjum síðasta árs samkvæmt álagningarskrá, sem ríkisskattstjóri hefur birt. Er það 1,4% hækkun frá fyrra ári.

Samkvæmt upplýsingum frá fjármálaráðuneytinu nam tekjuskatts- og útsvarsstofn landsmanna  812,4 milljörðum króna árið 2010 og dróst saman um 0,5% frá fyrra ári. Skattstofnsins var aflað af rúmlega 237 þúsund manns og fjölgaði um 0,6% í þeim hópi. Var hann næstum því jafn fjölmennur og við álagningu 2009.

Heildarfjöldi framteljenda við álagningu árið 2011 var 260.764 og fækkaði annað árið í röð, nú um 672 eða 0,3%. Fjármálaráðuneytið segir, að fækkun framteljenda sé minni í ár en var á fyrra ári en flestir voru framteljendur við álagningu 2009, 267.494 og hefur þeim því fækkað um rúmlega 6700 síðan þá.

Tilkynning fjármálaráðuneytisins 

• 2 blogg um fréttina

Bloggað um fréttina

• Haraldur Haraldsson: 200,9 milljarðar í skatt/þetta er ekki að skila sér!!!skattahækkunin meinar …
• Benedikt V. Warén: Það er vitlaust gefið.