Landlæknir í Heilsuverndarstöðina

Landlæknisembættið og fyrrum Lýðheilsustöð taka til starfa í gömlu Heilsuverndarstöðinni, Barónsstíg 47, þann 2. ágúst næstkomandi. Þar með lýkur sameiningaferli þessara tveggja stofnana.

Þetta kemur fram á heimasíðu landlæknisembættisins, en þar segir m.a.:

„Með flutningunum sameinast á einum stað starfsemi Landlæknisembættisins að Austurströnd 5 á Seltjarnarnesi og starfsemi fyrrum Lýðheilsustöðvar sem hafði skrifstofur sínar við Laugaveg 116.

Um leið og Landlæknisembættið fær nýtt aðsetur við Barónsstíg verður einnig virkjuð breyting á skipulagi starfseminnar sem hefur verið í undirbúningi frá því í upphafi árs 2010. Fagsvið embættisins verða fjögur ásamt einu stoðsviði og skrifstofu landlæknis. Alls verða starfandi 56 starfsmenn hjá hinu sameinaða embætti landlæknis.“

• 1 blogg um fréttina

Bloggað um fréttina

• Haraldur Haraldsson: Landlæknir í Heilsuverndarstöðina/þetta þá komið í hring,hefði ekki átt að …