Hannes Hlífar efstur í Tékklandi

Stórmeistarinn Hannes Hlífar Stefánsson er efstur 279 skákmanna frá 31 landi á alþjóðlegu skákmóti sem fram fer í Pardubice í Tékklandi.   Hannes hefur verið á miklu skriði á mótinu.

Hannes er með 5,5 vinning í sex skákum, eftir þrjár sigurskákir í röð.  Í dag vann hann indverskan stórmeistara.  Mótið er sterkt en meðal keppenda eru 50 stórmeistarar og 58 alþjóðlegir meistarar. Alls eru tefldar níu umferðir.

Í sjöundu umferð sem fram fer á morgun teflir Hannes við rússneskan stórmeistara.  Á www.skak.is er fylgst með gangi mála og þar er geta skákáhugamenn fylgst með skákunum í beinni útsendingu.

• 1 blogg um fréttina

Bloggað um fréttina

• Gunnar Th. Gunnarsson: Mjog oruggur