Ógnaði fólki og heimtaði peninga

Lögreglan á höfuðborgarsvæðinu handtók fyrr í kvöld mann á Njarðargötu sem augljóslega var í annarlegu ástandi og ógnaði fólki og krafði það um peninga.

Maðurinn var ekki vopnaður en var færður í fangageymslur lögreglu og fannst þá á honum poki með ætluðum fíkniefnum, væntanlega til einkaneyslu. Hann mun gista fangageymslur lögreglu í nótt.

Eitt innbrot var tilkynnt í Auðbrekku í Kópavogi rétt fyrir kl. 22. Var þar farið inn í heimahús en ekki liggur fyrir hvort einhverjum verðmætum var stolið úr húsinu. Bifreið heimilisins er hins vegar horfin og er málið í rannsókn.

• 1 blogg um fréttina

Bloggað um fréttina

• Jón Snæbjörnsson: Upp með hendur niður með ..........