Endum rúntinn heima

Sniglar í samstarfi við Vegagerðina og Umferðarstofu hafa reist sex skilti við þjóðveginn með áletruninni „Endum rúntinn heima“. Ætlunin er að ná til bifhjólafólks á ferðinni og hvetja til nærgætni og heilbrigðrar skynsemi við akstur bifhjóla um þjóðvegi landsins.

Skiltin eru á tveimur stöðum á landinu, við borgarmörkin eða nánar tiltekið við Suðurlandsveg, Vesturlandsveg, Reykjanesbraut, Þingvallaveg og einnig við Akureyri á leiðinni út úr bænum í suður og austur.

Skiltin eru fyrsti hluti verkefnisins „Endum rúntinn heima“. Bifhjólasamtök lýðveldisins Sniglar vinna að forvörnum og hagsmunamálum bifhjólafólks.

Sniglarnir minna á að undirskriftasöfnun sem stendur yfir á heimasíðu samtakanna vegna nýrra umferðarlaga.

Heimasíða Sniglanna 

• 1 blogg um fréttina

Bloggað um fréttina

• Haraldur Haraldsson: Endum rúntinn heima/það eigum við öll að gera og reka …