Stjórnarþingmenn gagnrýndu störf Jóns Bjarnasonar, sjávarútvegs- og landbúnaðarráðherra, harðlega á sameiginlegum fundi utanríkismála-, sjávarútvegs- og landbúnaðar- og umhverfisnefndar í gærmorgun.

Fundarefnið var framganga íslensku sendinefndarinnar á 63. ársfundi Alþjóðahvalveiðiráðsins í júlí síðastliðnum. Íslenska sendinefndin gekk þá af fundi ásamt fulltrúum Noregs og Japans til að koma í veg fyrir að fundurinn væri ályktunarhæfur og hægt væri að greiða atkvæði um mjög umdeilda tillögu Suður-Ameríkuríkja um stofnun griðasvæðis í Suður-Atlantshafi.

Að sögn heimildarmanna Morgunblaðsins gagnrýndu stjórnarliðar – þá helst Árni Þór Sigurðsson og Mörður Árnason en einnig Álfheiður Ingadóttir, Þuríður Backman og Ólína Þorvarðardóttir – ráðherrann „nokkuð harkalega“ fyrir framgöngu íslensku sendinefndarinnar. Fulltrúar stjórnarandstöðu báru hins vegar blak af ráðherranum og lýstu jafnframt yfir furðu sinni á störfum stjórnarliða enda hefði sendinefndin einungis staðið vörð um réttmæta hagsmuni Íslendinga á fundinum.

Tengdar fréttir

Hvalveiðar

Mál Black Cube ekki á borði ríkissaksóknara

• Fjögur fyrirtæki sótt um leyfi til hvalveiða
• Fátt um svör vegna Black Cube
• „Er í mínum huga engin frétt“
• Ríkislögreglustjóri kannar málsatvik

» Fleiri tengdar fréttir