Sungið og spilað um alla borg

Tugþúsundir eru nú í miðborg Reykjavíkur og dagskrá Menningarnætur er hvergi nærri lokið. Auk stórra tónlistarviðburða á Arnarhóli og Ingólfstorgi eru stórir og smáir tónleikar innanhúss og utan á víð og dreif um borgina.

Raggi Bjarna og tríó Guðmundar Steingrímssonar syngja og spila til klukkan 23:00 í Eymundsson Austurstræti.

Í dómkirkjunni hljóma nú aríur og dúettar í flutningi þeirra  Agnesar Amalíu Kristjónsdóttur, Guðrúnar Jóhönnu Jónsdóttur, Jóhönnu Héðinsdóttur og Nathalíu Druzin Halldórsdóttur.

Á Barböru heiðrar söngkonan Lísa allar konurnar í rokksögunni og á milli klukkan 22:00 og 22:30 flytur tríóið KremKex  þriggja radda stríðsára-rómansa í Fríkirkjunni.

• 1 blogg um fréttina

Bloggað um fréttina

• Haraldur Haraldsson: Sungið og spilað um alla borg/svo maður hrósi nú meningunni …