VG gagnrýnir iðnaðarráðherra
Setja bókamerki
Þingflokkur Vinstrihreyfingarinnar - græns framboðs hefur gert sérstaka samþykkt þar sem gagnrýnd er harðlega sú ákvörðun iðnaðarráðherra að setja stjórn Byggðastofnunar af og skipa nýja í hennar stað þvert á óskir VG.
Þá segist þingflokkurinn lýsa stuðningi við fráfarandi fulltrúa VG í stjórninni og þakka þeim fyrir vel unnin störf.
Katrín Júlíusdóttir, iðnaðarráðherra, skipaði nýja stjórn Byggðastofnunar á ársfundi stofnunarinnar í vikunni. Í tilkynningu frá iðnaðarráðuneytinu kom fram, að ekki hefði verið leitað eftir tilnefningum frá þingflokkum stjórnmálaflokkanna og það væri í samræmi við álit Ríkisendurskoðunar frá árinu 1996 þar sem lagt var til að komið yrði á beinu stjórnsýslusambandi milli ráðherra og stofnunarinnar.
Samkvæmt því skuli ráðherra skipa beint í stjórn Byggðastofnunar þar sem hann beri ábyrgð á stofnuninni og gagnvart Alþingi samkvæmt ráðherraábyrgð.
Sex fluttir með þyrlunni og þar af eitt barn
Rúta með yfir 20 farþegum fór út af vegi
300 tonn af búslóðum Grindvíkinga beint á haugana
Mistókst að ræna hraðbanka
Úkraínumenn handtóku norðurkóreskan hermann
Segir lögreglu hafa hætt við þegar lögmaður mætti
Taka upp grímuskyldu á Landspítalanum