Ræddu aðildarumsókn Íslands

Össur Skarphéðinsson utanríkisráðherra átti í dag fund með Audronius Azubalis, utanríkisráðherra Litháens, sem er hér á landi í opinberri heimsókn.

Á fundi sínum ræddu ráðherrarnir stöðu aðildarviðræðna Íslands að Evrópusambandinu, sem Litháar hafa stutt dyggilega, samkvæmt fréttatilkynningu utanríkisráðuneytisins.

Azubalis gerði grein fyrir starfi Litháa á vettvangi Öryggis- og samvinnustofnunar Evrópu, ÖSE, en þeir fara með formennsku í ÖSE í ár.

Þá ræddu ráðherrarnir samskipti ríkjanna, t.d. á vettvangi samstarfs Norðurlandanna og Eystrasaltsríkjanna og samstarfið innan Atlantshafsbandalagsins.

• 1 blogg um fréttina

Bloggað um fréttina

• Óðinn Þórisson: ESB - aðlögun í boð VG