Banni hvalveiðar á Faxaflóa

„Flokksráðsfundur Vinstrihreyfingarinnar - græns framboðs hvetur sjávarútvegsráðherra til að gera úttekt á því hvort friða eigi Faxaflóa gegn hvalveiðum,“ segir í ályktun Vilhjálms Árnasonar á flokksráðfundi VG á Hótel Loftleiðum í dag.

„Undanfarin ár hefur eins og flestir vita byggst upp töluverð starfsemi í hvalaskoðun og öðrum náttúruferðum í Faxaflóa. Færri vita að Breiðafjörður er friðaður gegn hvalveiðum.

Sennilega myndu þeir sem veiða hval og þeir sem sinna hvalaskoðun geta sæst á friðun Faxaflóa en við það væri í raun verið að afmarka hvalveiðar frá hvalaskoðun,“ segir í ályktun Vilhjálms.

Sem kunnugt er fer Jón Bjarnason með sjávarútvegs- og landbúnaðarmál í ríkisstjórn Samfylkingar og VG.

• 3 blogg um fréttina

Bloggað um fréttina

• Óskar Guðmundsson: Á að banna bönn?
• Jóhann Elíasson: NEI, NÚ ERU ÞESSIR "KÁLFAR" KOMNIR FULL-LANGT YFIR STRIKIÐ..........
• Axel Jóhann Hallgrímsson: Að banna yfir sig