Kanna áhuga á sameiningu

Til stendur að kanna viðhorf sveitarstjórnarmanna og þingmanna til sameiningar sveitarfélaga en slík könnun fór fram árið 2006. Þetta kom fram í ávarpi Ögmundar Jónassonar innanríkisráðherra á ársþingi Samtaka sveitarfélaga á Norðurlandi vestra um  helgina.

Innanríkisráðherra sagði á þinginu að erfið fjárhagsstaða sveitarfélaga hefði verið eitt umfangsmesta og erfiðasta verkefni sveitarstjórnarmanna og ríkisvaldsins síðustu árin. Minnkandi tekjum og vaxandi kostnaði yrði að mæta með niðurskurði og/eða hækkun gjalda. Nýir kjarasamningar hjá ríki og sveitarfélögum síðustu vikur og misseri hefðu enn aukinn kostnað í för með sér og hefði því verið varpað fram að sveitarfélög yrðu að mæta þeim kostnaði að einhverju leyti með uppsögnum. Sagði ráðherra þetta slæma þróun.

• 1 blogg um fréttina

Bloggað um fréttina

• Sigurður Jónsson: Ekki af baki dottnir. Enn á ný skal reynt að …