Fyrirverður sig fyrir Alþingi
Setja bókamerki
Geir H. Haarde, fyrrverandi forsætisráðherra, sagði í þætti Richards Quest á sjónvarpsstöðinni CNN í kvöld, að Alþingi hefði orðið sér til skammar með því að ákæra hann fyrir landsdómi.
Quest spurði Geir hvaða sögu það segði af lýðræðinu á Íslandi að hægt væri að draga menn fyrir dóm vegna pólitískra ákvarðana.
„Það segir ekkert um lýðræðið en margt því miður um ráðandi stjórnarmeirihluta á Íslandi um þessar mundir. Og ég verð að segja að ég fyrirverð mig að sumu leyti fyrir Alþingi þar sem ég átti sæti í rúma tvo áratugi, fyrir að hafa orðið sér til skammar með þessum hætti," sagði Geir.
Hann sagði í viðtalinu, að hrun fjármálakerfis væri aldrei sök eins manns, eins stjórnmálaleiðtoga. Hann sagðist hins vegar axla fulla pólitíska ábyrgð á því sem gerðist á Íslandi á meðan hann var í embætti. „En ég hef ekki framið neina glæpi og ekki heldur þær ríkisstjórnir sem ég sat í," sagði Geir.
Geir sagði að málaferlin gegn honum væru í raun pólitísk réttarhöld í búningi sakamálaréttarhalda sem gamlir pólitískir andstæðingar hans hefðu haft forgöngu um.
Hulda saksóknari: „Tökum þetta ekki til greina“
Þarf að koma til móts við ólíkar þarfir lækna
Sjötti ferðamaðurinn er látinn
Dómur þyngdur um þrjú ár
„Höfum sloppið bærilega með skaða af þessu gosi“
Rússar sagðir útvega N-Kóreu milljón olíutunnur