Gangi inn í umræðu af ábyrgð

Þingmaður Samfylkingarinnar gagnrýndi forseta Íslands á Alþingi í dag fyrir ummæli sem hann lét falla í viðtali við Ríkisútvarpið um helgina. Gera verði þá kröfu að forsetinn gangi inn í opinbera umræðu af ábyrgð.

Ólína Þorvarðardóttir sagði í umræðu um störf þingsins, að í viðtalinu hefði Ólafur Ragnar Grímsson, forseti lýðveldisins, sakað stjórnvöld óbeint eða beint um að hafa beygt sig fyrir ótækum kröfum Breta og Hollendinga í Icesave-málinu og gefið þannig til kynna að stjórnvöld hefðu brugðist því hlutverki sínu að gæta þjóðarhagsmuna.

Sagði Ólína, að með þessu hefði Ólafur Ragnar gengið inn í umræðu sem var til lykta leidd í þjóðaratkvæðagreiðslu fyrr á þessu ári, meðal annars fyrir hans tilstilli þegar hann neitaði að samþykkja lög um Icesave-samkomulagið.

Ólína sagði að deila mætti um hvort þessar lyktir væru þjóðinni til farsældar.  Einnig hefði komið í ljós að eignir Landsbankans dygðu fyrir kröfum Breta og Hollendinga og því mætti spyrja hvort Íslendingar hefðu til einskis þjáðst í umræðunni undanfarin tvö ár.

• 9 blogg um fréttina

Bloggað um fréttina

• Benedikt V. Warén: Sannleikanum er hver sárreiðastur.
• Ómar Bjarki Kristjánsson: Forseti hafnar u.þ.b. helmingi
• Þorkell Sigurjónsson: AD GANGA HÄGT UM GLERDINNAR DYR.
• Haraldur Haraldsson: Gangi inn í umræðu af ábyrgð/mikill meirihluta þjóðarinnar á sama …
• Eiríkur Jónsson: Nú og þá
• Guðmundur Jónas Kristjánsson: Ólína og hennar Icesave-svikalið á að skammast sín!
• Sigurður Jónsson: Hrói höttur og Lady Ga Ga.
• Ómar Sigurðsson: Óábyrg Ólína
• Halldór Björgvin Jóhannsson: Hún ætti að líta á eigin barm...