Vonast eftir lausn í kjaradeilu félagsráðgjafa

Jón Gnarr, borgarstjóri, lýsti því yfir í upphafi borgarstjórnarfundar, að hann vonaði innilega að lausn fengist á kjaradeilu félagsráðgjafa við Reykjavíkurborg og að ekki þyrfti að koma til verkfalls þeirra.

Jón óskaði eftir því að fá orðið í upphafi fundarins og sagði það vegna þess að félagsráðgjafar væru á áheyrendapöllum.

Sagðist Jón vilja þakka félagsráðgjöfum borgarinnar fyrir vel unnin störf við erfiðar aðstæður. Sagði Jón ekki hefð fyrir því að borgarfulltrúar blandi sér í kjaradeilur „þótt við óskum ykkur vissulega velfarnaðar og vonum að þetta leysist farsællega,“ sagði hann. 

Dagur B. Eggertsson, fulltrúi Samfylkingarinnar, sagðist vona að viðræður næstu daga við félagsráðgjafa í húsnæði ríkissáttasemjara, yrðu árangursríkar.

• 1 blogg um fréttina

Bloggað um fréttina

• Haraldur Haraldsson: Vonast eftir lausn í kjaradeilu félagsráðgjafa/ Við skulum vona að …