Fyrrum starfsmenn banka stuðluðu að vexti
Setja bókamerki
Ólafur Ragnar Grímsson, forseti Íslands, sagði í samtali við bandarísku sjónvarpsstöðina CNBC, að hæfileikaríkt fólk sem starfaði í bankakerfinu hefði farið til starfa á nýjum sviðum og það hefði átt sinn þátt í að hjálpa Íslandi út úr kreppu.
Ólafur Ragnar ræddi við Maríu Bartiromo, fréttamann CNBC, um endurreisn efnahagslífsins á Íslandi, aðgerðir í ljósi ákvarðana annarra ríkja, alþjóðlega fjárfestingu og hvernig nýting hreinnar orku hefur skapað viðspyrnu á erfiðum tímum.
Ólafur Ragnar sagði að Íslendi hefði gengið betur að vinna sig út úr kreppunni en nokkur hefði átt von á og Ísland væri áhugavert dæmi um hvernig lönd sem lent hefðu í miklum efnahagslegum erfiðleikum gætu á tiltölulega skömmum tíma unnið sig út úr vandanum.
Ólafur Ragnar sagði að það sem hefði skipt máli fyrir endurreisn Íslands væri að stofnaðir hefðu verið nýir bankar og almenningur í landinu hefði ekki verið gerður ábyrgur fyrir skuldum einkabankanna. Eins hefði lækkun á gengi krónunnar hjálpað íslenskum fyrirtækjum að ná viðspyrnu á ný. Samhliða þessu hefðu íslensk stjórnvöld staðið fyrir umbótum á stjórnkerfinu og það væri mikilvægt að gera það en einblína ekki bara á efnahagsmálin.
Ólafur Ragnar sagði að þegar þenslan var sem mest hjá bönkunum hefðu þeir ráðið til sín fjölda sérfræðinga á ýmsum sviðum, verkfræðinga, tölvufræðinga og fleiri. „Eftir hrunið gátu lítil og meðalstór fyrirtæki skyndilega valið úr stórum hópi sérfræðinga sem störfuðu hjá bönkunum. Þetta eru fyrirtæki í upplýsingatækni, framleiðslu og hátækni. Sum þessara fyrirtækja hafa tvöfaldað starfsmannafjölda á síðustu tvö árum,“ sagði Ólafur Ragnar og sagði að þetta væri ein af ástæðum þess að Ísland hefði náð að vinna sig út úr kreppunni.
Maskína: Framsókn í fallbaráttu
Nýtt fangelsi í landi Stóra-Hrauns tilbúið 2028
Hraun kemur úr þremur gígum: Virknin stöðug
Hópur fólks reyndi að komast að eldgosinu
Drónamyndskeið frá hápunkti gossins í nótt
Litlar líkur á að hraunið nái til mannvirkja