Ekki orð um fjármálakreppuna

Ólafur Ragnar Grímsson, forseti Íslands, átti í gær fund með Vladimír Pútín, forsætisráðherra Rússlands í tæpa klukkustund þar sem þeir ræddu samskipti Íslands og Rússlands. Hann var á blaðamannafundi spurður hvort þeir hefðu rætt möguleikann á að Íslendingar fengju fjárhagslegan stuðning frá Rússum. „Við ræddum það ekki og ástæðan er einföld,“ sagði Ólafur Ragnar.

„Áætlun Alþjóðagjaldeyrissjóðsins á Íslandi er lokið, við höfum kvatt sjóðinn, Ísland er nú á batavegi og er að ná sér fyrr af efnahagskreppunni og með betri árangri en nokkur – að okkur meðtöldum – hefði búist við fyrir þremur árum. Á fundi okkar í fyrra ræddum ég og Pútín forsætisráðherra og Dimitrí Medvedev forseti að á fyrsta mánuði efnahagskreppunnar hefðu Rússar sýnt Íslendingum mikinn velvilja og sá velvilji er enn til staðar. En það var engin þörf á að ræða fjármálakreppuna núna. Ísland er nú í þeirri heppilegu stöðu að hægt er að eiga tæplega klukkustundar fund eins og þennan án þess að segja orð um fjármálakreppuna.“

• 2 blogg um fréttina

Bloggað um fréttina

• Njörður Helgason: Vopnabræður.
• Gísli Foster Hjartarson: Forsetinn skautar áfram!