Varðskipið Þór afhent

Varðskipið Þór var afhent Landhelgisgæslu Íslands í Asmar-skipasmíðastöð sjóhersins í Síle í dag.

Andrés Fonzo, forstjóri Asmar-skipasmíðastöðvarinnar, afhenti Landhelgisgæslunni formlega varðskipið en Georg Kr. Lárusson, forstjóri stofnunarinnar, veitti skipinu viðtöku. Að því loknu gengu Sigurður Steinar Ketilsson skipherra og áhöfn um borð í skipið. Staðinn var heiðursvörður og dró skipherra íslenska fánann að húni undir íslenska þjóðsöngnum. 

Smíði skipsins hófst fyrir fjórum árum eða í október 2007. Vegna jarðskjálftans í febrúar 2010 og flóðbylgjunnar sem reið yfir í kjölfarið varð seinkun á smíðaferlinu þar sem miklar skemmdir urðu á skipasmíðastöðinni.

Skipinu verður nú siglt til Íslands en áætlað er að það komi til hafnar í  Reykjavík 27. október nk.  

Myndir frá athöfninni

Georg Lárusson, forstjóri Landhelgisgæslunnar, og Ragnhildur Hjaltadóttir, ráðuneytisstjóri, ræða við fréttamenn í Síle.

• 3 blogg um fréttina

Bloggað um fréttina

• Ólafur Ragnarsson: "óska Landhelgisgæslunni til hamingu"
• Sigurður Haraldsson: Flott mál.
• Valdimar Samúelsson: Hvernig stendur á að nýja Varðskipið er ekki merkt sem …