Lögreglumenn sitja enn á fundi

Stjórn Landssambands lögreglumanna situr enn á fundi með fulltrúum lögreglufélaga um allt land og óháðum lögmönnum þar sem fjallað er um stöðu mála í kjölfar niðurstöðu gerðardóms um kjör lögreglumanna. Má gera ráð fyrir að fundurinn standi fram á kvöld að sögn Steinars Adolfssonar, framkvæmdastjóra Landssambandsins en fundurinn hófst klukkan þrettán í dag.

Lögreglumenn á Selfossi tilkynntu um hádegið í dag að þeir hefðu ákveðið að segja sig úr mannfjöldastjórnunarhópi embættisins. Sé það gert vegna kjaralegrar stöðu og niðurstöðu gerðardóms.

Áður höfðu lögreglumenn á Suðurnesjum, í Eyjafirði, á Akranesi og í Borgarnesi sagt sig úr óeirðasveit lögreglunnar  í mótmælaskyni við niðurstöður gerðardóms um launakjör lögreglumanna.

• 2 blogg um fréttina

Bloggað um fréttina

• Þorsteinn H. Gunnarsson: Óeirðarlögregla
• Ólafur Ragnarsson: "standið ykkur strákar"