40 manns sagt upp hjá ÍAV

ÍAV sagði upp 40 manns fyrir þessi mánaðamót, en þetta er þriðja stóra hópuppsögnin hjá fyrirtækinu frá hruni. Dagmar Viðarsdóttir, mannauðsstjóri hjá ÍAV, segir að margir sem fengu uppsagnarbréf í dag hafi starfað hjá fyrirtækinu í áratugi.

Um 200 manns störfuðu hjá ÍAV fyrir þessar uppsagnir, en þegar flestir störfuðu hjá fyrirtækinu, um mitt ár 2008, var ÍVA með um 620 manns í vinnu. Í janúar á þessu ári sagði ÍAV upp um 130 manns.

Dagmar sagði að ástæða uppsagnanna væri verkefnaskortur. Það væri ekkert í pípunum sem gæfi fyrirtækinu tilefni til að gefa þeim sem sagt var upp í dag fyrirheit um endurráðningu. ÍAV væri sérhæft fyrirtæki í byggingariðnaði og verkefnisstaðan væri mjög háð því hvaða ákvarðanir ríkisvaldið tekur um fjárfestingar.

„Margt af því starfsfólki sem fékk uppsagnabréf núna hefur starfað hjá okkur í áratugi og er mjög hæft starfsfólk. Sumir hafa starfað hjá okkur allan sinn starfsaldur. Það ríkir því mikil sorg hjá okkur í dag vegna þessara uppsagna,“ segir Dagmar.

• 2 blogg um fréttina

Bloggað um fréttina

• Óðinn Þórisson: Atvinnustefna ríkisstjórnarinnar
• Magnús Sigurðsson: Í hnotskurn.