Annar fundur á mánudag

Engar ákvarðanir voru teknar á fundi vinnuhóps lögreglumanna og stjórnvalda um kjaramál, en hópurinn hittist í dag. Annar fundur hefur verið boðaður á mánudag.

Í vinnuhópunum eiga sæti fulltrúar í samninganefnd lögreglumanna og ráðuneytisstjórar í  forsætis-, fjármála- og innanríkisráðuneyti. Lögreglumenn gera sér vonir um að á mánudaginn liggi betur fyrir hvort og hvernig stjórnvöld ætla að koma á móts við kröfur lögreglumanna.

 Gerðardómur úrskurðaði í vikunni um laun lögreglumanna en þeir eru afar ósáttir við niðurstöður dómsins.

Á mánudaginn flytur forsætisráðherra stefnuræðu sína. Fyrir ári urðu mikil mótmæli við þinghúsið þegar forsætisráðherra flutti stefnuræðu sína. Lögreglumenn vonast eftir að fá meiri upplýsingar um stöðu kjaramála áður ef stefnuræðan verður flutt.

• 1 blogg um fréttina

Bloggað um fréttina

• Gunnar Heiðarsson: Settir í "ferli"