Engin útgjöld vegna Icesave
Setja bókamerki
Ekki er gert ráð fyrir útgjöldum vegna Icesave í fjárlagafrumvarpi næsta árs. Steingrímur J. Sigfússon fjármálaráðherra segir ómögulegt að áætla hvort og þá hversu mikil útgjöld ríkissjóður kanna að þurfa taka á sig vegna þessa.
„Þetta mál er enn óútkljáð og gæti haft í för með sér fjárhagslega áhættu fyrir ríkissjóð," sagði Steingrímur. „Það er ómögulegt að áætla það á þessu stigi málsins. Útgjöldin gætu orðið engin ef allt færi á besta veg en það er líka ljóst að þetta gæti farið illa. Ef við töpuðum dómsmáli þannig að við teldumst hafa mismunað kröfuhöfum þá gætu menn á grundvelli þess reist ansi háa vaxtakröfu á Ísland. Við getum haft það til viðmiðunar að nýjasta uppfært mat á kostnaði vegna Icesave-samninganna frá síðasta vetri stæði núna í 25 milljörðum króna. Við myndum ekki fara á hjörunum yfir því þó að einhvern tímann í framtíðinni þyrftum við hugsanlega að bera þann kostnað.“
Í fjárlagafrumvarpinu segir, að samningsbrotamál Eftirlitsstofnunar EFTA á hendur íslenskum stjórnvöldum fyrir EFTA dómstólnum virðist óumflýjanlegt vegna Icesave-málsins. Óvissa um lyktir þess dómsmáls, og aðrir óvissuþættir, valdi því að ógerningur sé að áætla með nokkurri vissu þann kostnað sem kunni að lenda á ríkissjóði.
Endanlegur kostnaður gæti orðið lítill eða enginn ef niðurstaða dómsmála verði með hagfelldasta hætti fyrir ríkissjóð. Á hinn bóginn gæti önnur niðurstaða valdið ríkissjóði mjög alvarlegum skakkaföllum. Færi svo þyrfti að endurskoða frá grunni meginmarkmið ríkisfjármálaáætlunarinnar.
„Það var ekki dæmt löglegt að mismuna börnum“
Deiliskipulag úr gildi
Einn á slysadeild eftir hópslagsmál
Óformlegt eftirlit vegna hryðjuverka
Appelsínugular og gular viðvaranir í dag
Biður fólk um að vera ekki á ferðinni
Kröfugerðin skýr en upphæðin ekki