13 þingmenn mættu hjá Siðmennt

Við setningu Alþingis í gær bauð Siðmennt þingmönnum til hugvekju á Hótel Borg.  Þetta er í fjórða sinn sem Siðmennt býður þeim alþingismönnum sem það kjósa að hlusta á heimspekilega hugvekju í stað messu í tilefni af setningu Alþingis.

 Á þessum samverustundum hafa verið flutt stutt erindi um heimspekileg og siðræn málefni. Nú þáðu 13 alþingismenn frá 4 af 5 flokkum á Alþingi og utan flokka, boð félagsins. „ Þetta er 1/5 hluti þingmanna og er mikið stökk í þátttöku.  Siðmennt þakkar þeim fyrir komuna og ánægjulega stund saman.  Þingmenn og aðrir gæddu sér á léttum morgunverði auk þess að fá góðan skammt af andlegri næringu úr hugvekju sem flutt var við góðar undirtektir,“ segir í tilkynningu frá Siðmennt.

Hefðbundið er að við setningu Alþingis hlusti þingmenn á messu í Dómkirkju.

• 3 blogg um fréttina

Bloggað um fréttina

• Haraldur Haraldsson: 13 þingmenn mættu hjá Siðmennt/já er ekki trúfrelsi einnig meðal …
• Guðrún María Óskarsdóttir.: Væntanlega eru þessir þingmenn ekki í Þjóðkirkjunni.
• Axel Jóhann Hallgrímsson: Hvar var okkar ríkisrekni Guð og allir hinir guðirnir þegar …