Hagfræðistofnun skoðar verðtrygginguna

Ríkisstjórnin samþykkti í dag að fela Hagfræðistofnun Háskóla Íslands að meta áhrif afnáms verðtryggingar á þjóðarhag, heimilin, lífeyrisþega, hið opinbera, fyrirtæki og fjármálastofnanir.

Þann 1. október sl. afhenti formaður Hagsmunasamtaka heimilanna forsætisráðherra undirskriftalista með nöfnum 33.525 einstaklinga þar sem krafist er afnáms verðtryggingar og leiðréttingar á stökkbreyttum lánum til heimilanna. Með þessum kröfum fylgja fjórar mismunandi leiðir til leiðréttingar á lánum.  Á fundi ríkisstjórnarinnar í morgun var fjallað um ofangreindar kröfur og var samþykkt tillaga forsætisráðherra, Jóhönnu Sigurðardóttur um að fela Hagfræðistofnun Háskóla Íslands að meta áhrif þeirra á þjóðarhag, en einnig á afkomu og efnahag heimila, lífeyrisþega í nútíð og framtíð, hins opinbera, fyrirtækja og fjármálastofnana.  Hagfræðistofnun hefur tekið verkið að sér og má reikna með að greinargerð geti legið fyrir í nóvember nk.

• 6 blogg um fréttina

Bloggað um fréttina

• Haraldur Haraldsson: Hagfræðistofnun skoðar verðtrygginguna/og málið er dautt,eða hvað ????
• Óskar Guðmundsson: Frekar að ath það sem er hægt.
• Guðmundur Ásgeirsson: Hagsmunasamtök heimilanna hefja viðræður við forsætisráðherra
• Ómar Geirsson: Snork, snorkkkk, snork.
• Kristinn Karl Brynjarsson: Á sama tíma að ári og vanrækslusyndir stjórnvalda.
• Einar Guðjónsson: Þjóðnýta á íbúðarlánin.