Litlar breytingar á fylgi flokkanna

Fylgi ríkisstjórnarinnar mælist 34% samkvæmt nýjum þjóðarpúlsi Capacent sem er sama fylgi og fyrir mánuði. Óverulegar breytingar eru á fylgi stjórnmálaflokkanna samkvæmt niðurstöðum könnunarinnar.

Sjálfstæðisflokkurinn mælist sem fyrr stærsti flokkur landsins með 36% fylgi sem er sama fylgi og fyrir mánuði. Samfylkingin mælist með 22% sem er einnig óbreytt staða.

Vinstrihreyfingin - grænt framboð bætir við sig einu prósentustigi og mælist nú með 15% fylgi en Framsóknarflokkurinn tapar að sama skapi einu prósenti og er nú með 16%.

Fylgi Hreyfingarinnar er 3% sem er sama fylgi og fyrir mánuði, 9% segjast myndu kjósa einhver önnur framboð.

Könnunin var gerð á tímabilinu 31. ágúst til 28. september og var úrtakið 6.649 manns. Svarhlutfall var 60,5%.

Heimasíða Capacent

• 7 blogg um fréttina

Bloggað um fréttina

• Júlíus Guðni Antonsson: Við þurfum nýja ríkisstjórn
• Axel Þór Kolbeinsson: Skipting þingsæta
• Örn Ægir Reynisson: Trúi ekki að ríkisstjórnin hafi 34% fylgi tek öllum skoðanakönnunum …
• Haraldur Haraldsson: Litlar breytingar á fylgi flokkanna/er fólkið virkilega ennþá að trúa …
• Guðrún María Óskarsdóttir.: Stjórnmálaumhverfið.
• Jóhann Elíasson: ÞESSAR TÖLUR ERU ALVEG MEÐ ÓLÍKINDUM............................
• Sigurður Haraldsson: Miðað við þessar kannanir!