Ríkið þarf að borga fyrir frekari afskriftir

Sigurður Erlingsson, framkvæmdastjóri Íbúðalánasjóðs, segir ljóst að sjóðurinn hafi að óbreyttu ekkert svigrúm til frekari afskrifta í tengslum við hugsanleg úrræði stjórnvalda vegna skuldavanda heimila.

Í umfjöllun um mál þetta í viðskiptablaði Morgunblaðsins í dag er haft eftir Sigurði, að ákveði stjórnvöld að ráðast í frekari úrræði í þeim efnum blasi við, að koma þurfi til frekara framlag til sjóðsins úr ríkissjóði.

Krafan um aðgerðir vegna skuldavanda heimilanna hefur verið áberandi á ný að undanförnu, meðal annars vegna undirskriftalista sem Hagsmunasamtök heimilanna afhentu Jóhönnu Sigurðardóttur forsætisráðherra um liðna helgi, þar sem ríflega 30 þúsund manns krefjast þess meðal annars að verðbótaþáttur verðtryggðra lána verði afturvirkt látinn takmarkist við efri mörk verðbólgumarkmiðs Seðlabankans, eða að hámarki 4% á ári, frá og með ársbyrjun 2008.

Íbúðalánasjóður er stærsti lánveitandi verðtryggðra fasteignalána á markaðnum og er talið að markaðshlutdeild hans sé um 70%. Lífeyrissjóðirnir fara með um 10% og þar af leiðandi bankar og önnur fjármálafyrirtæki 20%.