Menntað fólk með vinnu fer

Menntað fólk yfir þrítugu er stærsti hópur þeirra Íslendinga sem flytja út, segir Dröfn Haraldsdóttir, verkefnisstjóri evrópsku vinnumiðlunarinnar EURES og ráðgjafi. Þetta fólk glími yfirleitt ekki við atvinnuleysi hér heima og tvöfaldi oft launin við að fara út.

Í umfjöllun um þetta mál í Morgunblaðinu í dag kemur fram, að EURES og Vinnumálastofnun standi nú í áttunda skipti fyrir starfakynningu þar sem verða tíu norsk fyrirtæki að leita eftir íslensku vinnuafli.

„Nú er byggingarbóla í Noregi og þeir voru líka að finna nýja olíulind þannig að það er mikil uppsveifla,“ segir Dröfn. Aðallega sé eftirspurn eftir menntuðu fólki.