Mennirnir þrír sem handteknir voru á Hringbraut fyrir skömmu tengjast ekki vopnuðu ráni sem framið var í Michelsen í morgun, að sögn lögreglu. Mennirnir voru í bíl, sem tilkynnt var að hefði verið stolið.

Allt tiltækt lögreglulið á höfuðborgarsvæðinu auk sérsveitarinnar leita enn að ræningjum og þýfi.

Eins og fram hefur komið ruddust þrír vopnaðir menn inn í úraverslun Michelsen á 11. tímanum í morgun. Lögregla útilokar ekki að fleiri séu viðriðnir málið, en líklegt þykir að annar flóttabíll hafi beðið ræningjanna þar sem sá fyrri var skilinn eftir í Þingholtunum.

Talið er að ræningjarnir séu af erlendum uppruna, en það er þó ekki fullvíst að sögn lögreglu. Greinargóðar lýsingar á mönnunum úr eftirlitskerfi verslunarinnar liggja ekki fyrir, en samkvæmt lýsingu vitna voru mennirnir með hettur á höfði. Einn þeirra var dökkklæddur í brúnni úlpu og annar klæddur í bláan samfesting.

Tvær byssur hafa fundist en um eftirlíkingar var að ræða. Lögregla hefur verið við leit í Vesturbæ Reykjavíkur.

Tengdar fréttir

Úraránið í Michelsen

Dómi í máli úraræningja ekki áfrýjað

• Dæmdur fyrir eitt stærsta rán Íslandssögunnar
• Léku úraránið í Michelsen
• Úraræningi áfrýjaði dómi
• Úraræningjar í fimm ára fangelsi

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Af handbragðinu má þekkja þá