Rysjótt í kvöld og nótt

Veður fer versnandi norðaustanlands og síðar austanlands, hríðarveður á fjallvegum ofan 400 metra og krapi þar fyrir neðan. Þó rigning víðast á láglendi.  Vindur norðanstæður, yfirleitt 18-20 m/s til fjalla og skyggni mjög takmarkað. Þetta kemur fram í ábendingu veðurfræðings hjá Vegagerðinni.

Með kvöldinu dregur úr snjókomu og éljum á Vestfjörðum, í Dölum og eins vestantil á Norðurlandi, en ekki fyrr en í nótt eða snemma í fyrramálið norðaustan- og austanlands.

Vaxandi veðurhæð er spáð suðaustanlands. Á svæðinu frá Suðursveit austur í Berufjörð er spáð N- og NV-átt, byljóttum vindi og vindhviðum yfir 30 m/s frá því í kvöld um kl. 21 til 22.

Vindur gengur hins vegar mikið niður vestanlands í kvöld, en gert er ráð fyrir hviðum 30-40 m/s á Kjalarnesi og í Staðarsveit fram undir kl. 20 til 21.

• 1 blogg um fréttina

Bloggað um fréttina

• Haraldur Haraldsson: Rysjótt í kvöld og nótt/við eigum að taka þetta alverlega …